نسب قبيلة ا@-@@-@@-@@-@لان المقرن من بني خالد في الخبراء البدائع الرياض ,,,

[محمد المقرن]

مساكم الله بالخيرات
واليوم بكل صراحة ماتوسعني الفرحة عشاني بين أهلي وعزوتي وانا اكتب مواضيعي اتمني ان تحوز على رضاكم
اول موضوع اكتبة هو عن نسب عائلة المقرن في القصيم ( الخبراء ـ البدائع ـ الرياض ـ بريدة )
جدهم الذي يجمعهم هو راشد بن حجيلان آل شايع أبا الغنيم الخالدي وهو متوفى سنة 1250هـ.
ولراشد أخ اسمه رشيد بن حجيلان لا ولد له .
وإليهم تنسب القليب المعروفة في شمالي الخبراء بـ (حجيلانة) , وكانت مروى لأهل البلد وكانت من أعذب مياه الخبراء في القصيم وأغزرها , ولا تزال وثائقها شاهدة على إحسان هذه الأسرة لعموم أهل البلد.
ولراشد بن حجيلان ابن اسمه علي (توفي قبل سنة 1251هـ) وقد درج علي فلا عقب له ,
وله سويلم بن راشد , وهو الذي انحصر آل حجيلان في ذريته ..
ثم صارت ذرية سويلم آل حجيلان يعرفون أيضا بـ السويلم نسبة إلى سويلم بن راشد بن حجيلان آل شايع ابا الغنيم , كان حيا سنة 1296هـ ,
وقد انحصرت ذرية (سويلم) المذكور في ابنه مقرن بن سويلم ,
وكان لسويلم ابن آخر اسمه راشد بن سويلم ولكن عقبه بنات (شايعة وخديجة ورقية وموضي ونورة وسادسة لا يحضرني اسمها) ولهن جميعا ذرية في حمايل الخبراء.
وأم مقرن وراشد هي عايشة بنت محمد من آل سلامة اهل الخبراء من الخنانا من تميم ,
ثم عرفت ذرية مقرن بن سويلم بـ (آل مقرن) نسبة إلى مقرن المذكور وهو مقرن بن سويلم بن راشد بن حجيلان , وتركوا الاسماء القديمة .. والأن
فهم الآن لا يعرفون بين أهل الخبرا إلا باسم المقرن أسم العائلة المتعارف علية والرسمي هو " المقرن " , ولا وجود لبقية الاسماء التي ذكرتها إلا في الوثائق وعند العارفين من كبار السن وعند آل مقرن أنفسهم , فهم يعرفون نسبهم إلى سويلم وحجيلان وشايع , ويعرفون قدومهم من الضبط وصلة القرابة القريبة التي تربطهم بالشهوان ثم بالحمادا وأملاكهم المشتركة مع الشهوان ,
وكان لآل مقرن وآل شهوان اشتراك في ملك بالملاح بالضبط , وهو إرث قديم مشترك عن أجدادهم , فلما ضاقت مقبرة الضبط حضر محمد بن عبد الله المقرن رحمه الله وأخوه صالح وشهوان العبد الله الشهوان رحمه الله عند الشيخ صالح العثمان القاضي رحمه الله بعنيزة وتبرعوا بقسم منها لتكون مقبرة فهي المعروفة اليوم باسم مقبرة الشهوان بالضبط بعنيزة.
وكان لآل حجيلان اشتراك مع الشهوان في صبرة في الضبط في عنيزة فتركها آل حجيلان (مناقلة) مقابل ترك الشهوان نصيبهم من حجيلانه بالخبرا.
وكان لهم أيضا اشتراك في نخل بعنيزة يسمى (الخندفية) بالضبط.
وآل مقرن اليوم هم أربعة أسر:
الأولي : المتوفي محمد العبدالله مقرن المقرن ( القصيم ـ الخبراء ).
الثاني : صالح عبدالله مقرن المقرن ـ أعمال حرة ومن تجار القصيم (القصيم ـ بريدة).
الثالث :المتوفي صالح بن محمد بن عبدالله المقرن أعمال حرة ( القصيم ـ البدائع)
الرابع: علي بن محمد بن عبدالله المقرن ـ موظف في وزارة المواصلات سابقا (القصيم ـ عنيزة)
الخامس : عبدالله محمد عبدالله المقرن ـ يعمل مدير إدارة في الدايوان الملكي ( الرياض)
ولهم العديد من الأبناء في جميع مراكز الدولة من مدراء وضباط .
ويحمدون الله ان جعلهم من نسل هذا القبيلة التي مجرد نطق أسمها يهتز له سلاطين الأرض .
دمتم بخير حال

[فهد الجناحي]

والنعم بكم

[فيصل الهجول]

ونعم والله
يعطيكـ ألف عافيه
لاهنت

[ابو عبدالله_999]

السلام عليكم ورحمة الله وبركاتة
عندي تصحيح للموضوع اول شي
ذكر الاخ محمد المقرن في موضوعه
الأولي : المتوفي محمد العبدالله مقرن المقرن ( القصيم ـ الخبراء ).
الثاني : صالح عبدالله مقرن المقرن ـ أعمال حرة ومن تجار القصيم (القصيم ـ بريدة
وهذا خطاء والصحيح
صالح بن مقرن المقرن رحمةالله (القصيم ـ بريدة)
واخوه محمد بن مقرن المقرن رحمة الله ( القصيم ـ الخبراء ).
وبنسبة للاخ خالدي القصيم عندما كتب
(أما ال مقرن الذين ذكرتهم لم اسمع بهم والناس مأتمنون على انسابهم. هناك اسره في الخبراء يطلق عليها المقرن لهم انساب مع اسرة الجمعه والنفيسه وهم اسر كريمه ولكنها ليست قبيليه .)اقول كلامك بعيد كل البعد عن الصحه ولا فيه اي نسب بين العوائل المذكوره واهل الخبراء كلهم يعرفون
الشي واذا فيه وكلامك صحيح عطني الاسماء وانا متأكد مارح تجيب اسم واحد لن كل الي هنا عارفين العائله هذي زين وكل المنطقه ولهم نسب مع كل العوائل الكبيره المعروفه بدون ذكر اسماء ماتوقع انك من نفس المنطقه لن لو انك من المنطقه كان مو سمعت بهم
عرفتهم واترك الكلام لاهل المنطقه يعطونك الرد واتمنى من الاخوان اهل الخبراء يردون على الموضوع
وللمعلومية عائلة المقرن بالخبراء هم خوال العساف امراء مدينة الرس وهم خوال ولدة سعود بن عبدالله الفيصل وتقدر تتأكد من الشي بنفسك تجي هنا وتكتب كلام تنقص من شأن اسره عريقه !!!
وكل المعلومات الي ذكرتها انا صحيحه والي مشكك يقدر يسئل ويجيه الجواب وقبل تكتب مثل الرد تأكد
من الاشخاص الي اكبر واعرف منك وانا انتظر ردك هنا تجيب اسماء الاشخاص الي بينهم نسب مع العوائل المذكوره ( النفيسه _ والجمعه) مع احترامي لهم
عارف مارح احصل منك رد لنك اساساً ماتعرف احد منهم ولا انت من نفس المنطقه انتظر ردك
على كلامي

[ابو عبدالله_999]

انتظرت الرد منك ياخالدي القصــيم
وصحيح الناس مأتمنون على انسابهم دام مثلك يكتب في المنتديات
واذا جيت تكتب موضوع اكتب اسماء الاشخاص لا تقول هناك...
قل فلان الفلاني لنك تتكلم عن نسب عائله
ولا فيه الا بيت واحد الباقين في الخبراء ومعروفين ومايحتاجون تعريف منك
وانا طلبت منك الاسماء ليش ماذكرتها ؟؟ لا تتكلم
في شي ماعندك علم عنه واذا كان الكلام من فضه
فالسكوت من ذهب واذا ماتعرف اسكت ولا تحط نفسك في
احرجات وتألف من عندك والبيت الي ذكرته
هو الباقي بالخبراء ومعروف من مناسبين ومن خوالهم
ومن انسباهم ومعروفين عند اهل المنطقه وهم عيال
محمد بن مقرن بن عبدالله بن مقرن بن راشد بن سويلم بن حجيلان
رحمة الله عليه عليهم عيال عم الشهوان وانا لحد
الحين اقولك لو حصلت اسم شخص من عيال محمد بن مقرن المقرن
وهو البيت الوحيد له نسب
مع العوائل المذكوره ( النفيسه او الجمعه ) مع احترامي للعوائل المذكوره
اتمنى تجيب اسم الشخص هنا لني اعرف من مناسبين
ومستعد اذكر اسمائهم وانسباهم

[النايف]

ياهلا ومرحبا اخى الكريم عبدالله العضو خالدي القصــيم
تم ايقافه لمخالفتة قوانين المنتدى وهذا مانستطيع ان نفعله للاسماء المستعارة والتى تطعن فى انساب خلقك الله
وبنسبه للموضوع سوف يتم نقله وذلك لعدم تفاعل صاحب الموضوع مع موضوعه والرد على مخالفيه

تقبل اجمل تحيه

[كريمة راشد]

السلام عليكم ورحمة الله وبركاته

اخي العزيز محمد المقرن

الموضوع شدني بقوة لانه يخص احبابي واجدادي تلك الرجال الذين صنعوا امجاد اجيال تعيش الان على ارض

الطهارة والنقاء

ولكن أردتُ لفت أنتباهك إلى أنك قد نسيت أحد جذور هذه العائلة رغم ذكرك لجميع أخوته
وهو .. الشيخ :راشد مقرن عبدالله المقرن رحمه الله
والذي يكون أخ .. محمد وصالح مقرن عبدالله المقرن والذي تكرمت أنت بذكرهم سابقاً

وهذا ما حزا في انفسنا نحن أبناءهـ
فنرجوا منك التكرم بتعديل الموضوع لذكر أسم أبانا المخلد في أعماقنا إلى الأبد
وجُل شكرنا الموصول لشخصك الكريم ..









كريمة راشد مقرن عبدالله المقرن .. (القصيم - بريدهـ )..

[ابو عبدالله_999]

شكراً لك ياكريمة راشد رحمة الله عليه واسكنه فسيح جناته

نعم الاخ محمد المقرن لم يذكر راشد بن مقرن بن عبدالله المقرن

واشكرك على التنبيه اتمنى تعديل الموضوع من الاخ محمد

وان يكون الموضوع اعمق واوضح واكثر اهتمام

ويتابع الردود على الموضوع

واحب ان اذكر ابناء راشد رحمة الله عليه وهم

محمد وخالد وعبدالله

ويعطيكم العافيه كلكم ياعيال العم